الفلم عند احمد ملا طلال….!! – وكالة بابليون
أحدث_الأخبار
سياسية

الفلم عند احمد ملا طلال….!!

 

سعد الأوسي

كان ياماكان في هذا الزمان الفسگان
كان اكو بطل مناضل صنديد عتوي اسمه ياسر الجبوري ( مو جبان )
وكان يناضل من خارج العراق ويعيط ويهتف ويصيح ليل ونهار :
الحكومة العميلة والحكومة الطائفية
الحكومة الفاسدة و گالوا الشيعة وحچوا الشيعة
مناضل طبعا ومن حقه يهمبل عالوادم شلون مايريد
ياسر المدفوع الثمن هذا كان راجع لبغداد قبل فترة
(( واگضبوه )) الويلاد بالمطار
طلعوه بعد 4 ايام مختلف اختلافاً جذرياً
طلع كلش خوش ولد و حيل حباب و يمشي بصف الحايط و يروط بمشيته عبالك گايم بيه البيرن بگن لو مضروبة (الميزانية والبلانص) ضربا مبرحاً حتى استغاث….!!!
فجأة تحول المناضل الثوري الفوري ياسر الجبوري الى موالي للحكومة يبوّس القنادر ويغرّد في حبها احلى الانغام، مدح وردح وهز اكتاف ومؤخرة للصبح
يگول بعض شهود العيان ان الويلاد (( يمكن والله اعلم )) كسروا عينه و وصوروه فديو ملون 4k صورة وصوت، وبعدين گالوله اطلع ولّي ومنا وغاد حسّن خطك وامشي عدل…!!
الاخ المناضل ياسر لانه يخاف على شرفه طبعا و من عيب الفضيحة، بطّل هتافاته وصوته القرچ ضد الحكومة و قرر يصير ثوري من غير صفحة
ثوري يهاجم الاسماء الكبيرة بالاقتصاد او الاعلام او اي مجال اخر بعيد عن الحكومة
يريد يطش المسكين بلكي يعوّض جرح (طيطه)
وكنت انا العبد الفقير البسيط الخطية واحد من اهدافه الجديدة، حتى يبقى مناضل ثوري عينه مامكسوره
بالصغيرة والچبيرة سعد الاوسي
منو سبب الحرب العراقية الايرانية : سعد الأوسي
منو وضع العراق تحت البند السابع : سعد الاوسي
منو ثقب الاوزون وسبب الاحتباس الحراري : سعد الاوسي
منو صنع فايروس كورونا : سعد الاوسي
ولاني شايف مثل هالشكول هواية وعارف شنو قصدهم بالضبط، ماعبرت عليّ هذي البلتيقة و ماجاوبت على اي وحده من سوالفه التعبانات ضدي،
ويمكن استخطيته بعد ما عرفت قصته ويه الويلاد والحفلة اللي سووها عليه
خويه ياسر
مهما تحاول ماراح ارد عليك، و لا اخليك تطش براسي يعني ماراح انطيك شرف ان يكون اسمك منشور عبر صفحتي او اصمطك بمقال (( حيل چبيرة ))….لذا
انصحك ابعد حنتورتك عني لاني ما متعود اضرب حنتورة انكشفت على غيري
فيا ياسر الزبال
تره الفلم كما يقال
مو بس
عند احمد ملا طلال….!!

اظهر المزيد
0 0 votes
Article Rating
Subscribe
نبّهني عن
guest
0 تعليقات
Inline Feedbacks
View all comments
زر الذهاب إلى الأعلى